Stephen Angulalik
Angulalik inuuhimayuq humiliqaak 1898 mi haniani Kuunnuaq (Kuunayukmi) uuminganut Oakoak, unalu Okalitaaknahikmut.[1] Tuantinik ukiukalihaaqhuni, Angulalik ilittulihaarniqhuni niuvvaaviutigut tirigannialiqinirmiglu uvani Kiillininnguyap Kampaniup Niuvvaavianit. Hamna qauyimaninga, ilaliutihimavluniuk nanminigiyangit ayuinninga angunahuarnirmik, talvangaanit arligihuutauvakhuni ikayuqhimmaaqhugit nuliamingnik inuuhuktuvluni.
Talvangaanit ilittuqhimaittuq taiguarnirmik titirarnirmiglu qablunaatitut, Stephen Angulalik havakhimmaaqhuni nanminiriyangit niuvvaaviup ataniuvluni Kuugyuagmi 1928 mit unalu 1957 mut. Uvani 1929mi, umiakkuuqhimavluni Qikiqtaaryungmut, niuviqhimavluniuk inmikkut qayanikhuni, Tudlik, talvangaanit agyaqtuutihimavlugu Kuugyuarmut Iqaluktuuttiarmilu. Hamna havaangit arlignaqtuuvluni taimaa Angulalik amirihimmaartangit Kuugyuap niuvvaavianit angmaqhigmivluni niuvvaavingmit uvani Atanikittuq (Sherman Inlet) amirihimayauvluni irnirmingni George Oakoak 1955 nguqtinnagu. Uvani 1957, ayuqharpallaaqhimavluni inuaqhimavluni, talvangaanit anguyauhimaittuq, Angulalik niuviqtitihimayangit tamaat aulattitihimayangit ukuningat Hatsin Pii Kampaninut. Havakhimmaaqhuni niuvvaavikmi umiktinnagu nutqarutaanit 1967 mi.
Nanminigiyangit havaangit, Angulalik tamainnut takuttaaqhimavluni qanuq hunakkutaanit atuqtakhainit malruk aalatqiik inuudjutanit, niuviqtitihimavluni hilataani ihuaqutikhait haffumingat tarranilitarvik-aturnahuarlugit nattiqhiurtumik-ilaita ahinirmiuttigut Kiluhikturmiuttat Inuinnainut. Hamna Angulalik ayuqharami Qablunaat uqauhianut, aquirturnahuaraangat qiyuqutinut taihiniit adjiliuqhimavakhuni havigaliillu taidjutaat adjiliurpakhuni aquirturnahualigaangami niuvvaaviup niuvrutiyakhainit. Ilaani ayuqhaliqpakhuni qiyuqutit adjiliugait atiliqhimavagait aquiqturnahualigaangami tallimanik qiyuqutimik ‘Tunun’nganiittuq’.
Angulalik havakhimaaqhuni niuvvaavingmi umikhimalirtumilu 1967 mi. Hamna arlingnaqtumik havaangit niuviqtitiyumik ilitariyauhimayauvlunilu tamainnut inuinnainut qablunaaniglu. Talvangaanit ilitariyauhimavluni aitturtauhimavluni ukuningat King George V Silver Jubilee Havigayagmik (1935) unalu uumingalu Queen Elizabeth II Coronation Havigayagmik (1953). Piqpagiyauvakhuni qauyimayauvluni uumingat Angulalik huli qauyimayauvakhuni uvani Kitikmeot nunaqatigiiktumik uvanilu makpigaunmi amihuuyut titiqqani makpiraarmilu qanuriliukpakhimayangit.
Kiuqattautiniit[ᓱᖁᓯᖅᐹ ᐃᓚ | edit source]
- ↑ Stephen Angulalik - Kitikmeot Heritage Society https://web.archive.org/web/20070922233935/http://www.kitikmeotheritage.ca/Angulalk/FurTrader.pdf