Inuit medicine

From ᐅᐃᑭᐱᑎᐊ
Jump to navigation Jump to search

ᓇᓐᖑᒍᓗᑐᐃᓐᓇᓕᑐᐊᕋᒥᒃ ᐃᓄᐃᑦ ᐊᒥᓱᑦ ᑏᑐᓲᑦ. ᐋᓐᓂᐊᓯᐅᑎᒋᔭᐅᒍᓐᓇᑐᑦ ᑏᓕᐊᕆᔭᐅᑦᓱᑎᒃ ᒪᒣᑦᑐᖁᑏᑦ (ᐅᖃᐅᔭᖏᑦ ᑕᒧᐊᔭᐅᒍᓐᓇᑐᑦ ᑎᕐᑎᑎᑕᐅᓗᑎᓘᓐᓃᑦ), ᐸᐅᓐᓇᖅ, ᐊᕐᐱᖁᑎᒃ, ᑲᓪᓚᖁᑎᓘᓐᓃᑦ. ᑕᒧᐊᓂᖅ ᑐᓪᓕᐅᑉ ᐃᕐᕋᕕᖏᓐᓂᒃ ᐸᓂᕐᑐᓂᒃ ᐃᑲᔪᕐᓯᒍᓐᓇᒥᔪᖅ, ᐊᒻᒪᓗᑦᑕᐅᖅ ᒥᖑᐊᕆᓂᖅ ᐆᓇᕐᑐᒧᑦ ᐅᔭᕋᕐᒧᑦ ᓯᐅᕋᕐᒧᓘᓐᓃᑦ (ᐃᒧᓯᒪᓗᓂ ᖃᓪᓗᓈᕐᑕᒧᑦ) ᓈᕐᒥᒃ. ᒥᕆᐊᑎᕆᔪᖃᑐᐃᓐᓇᑐᐊᕐᐸᑦ ᓂᕆᔪᒣᕐᓯᒪᔪᖃᕐᐸᓘᓐᓃᑦ ᖃᓂᒪᒧᑦ, ᑭᒻᒥᓀᑦ (ᖃᓚᒪᓐᖏᑑᓗᑎᓘᓐᓃᑦ

ᐋᓐᓂᐊᓯᐅᑎᒋᔭᐅᕙᑦᑐᕕᓃᑦ

ᓈᓕᕆᓂᖅ ᓇᓐᖑᒍᓗᑐᐃᓐᓇᓕᑐᐊᕋᒥᒃ ᐃᓄᐃᑦ ᐊᒥᓱᑦ ᑏᑐᓲᑦ. ᐋᓐᓂᐊᓯᐅᑎᒋᔭᐅᒍᓐᓇᑐᑦ ᑏᓕᐊᕆᔭᐅᑦᓱᑎᒃ ᒪᒣᑦᑐᖁᑏᑦ (ᐅᖃᐅᔭᖏᑦ ᑕᒧᐊᔭᐅᒍᓐᓇᑐᑦ ᑎᕐᑎᑎᑕᐅᓗᑎᓘᓐᓃᑦ), ᐸᐅᓐᓇᖅ, ᐊᕐᐱᖁᑎᒃ, ᑲᓪᓚᖁᑎᓘᓐᓃᑦ. ᑕᒧᐊᓂᖅ ᑐᓪᓕᐅᑉ ᐃᕐᕋᕕᖏᓐᓂᒃ ᐸᓂᕐᑐᓂᒃ ᐃᑲᔪᕐᓯᒍᓐᓇᒥᔪᖅ, ᐊᒻᒪᓗᑦᑕᐅᖅ ᒥᖑᐊᕆᓂᖅ ᐆᓇᕐᑐᒧᑦ ᐅᔭᕋᕐᒧᑦ ᓯᐅᕋᕐᒧᓘᓐᓃᑦ (ᐃᒧᓯᒪᓗᓂ ᖃᓪᓗᓈᕐᑕᒧᑦ) ᓈᕐᒥᒃ. ᒥᕆᐊᑎᕆᔪᖃᑐᐃᓐᓇᑐᐊᕐᐸᑦ ᓂᕆᔪᒣᕐᓯᒪᔪᖃᕐᐸᓘᓐᓃᑦ ᖃᓂᒪᒧᑦ, ᑭᒻᒥᓀᑦ (ᖃᓚᒪᓐᖏᑑᓗᑎᓘᓐᓃᑦ ᖃᓚᒪᓗᑎᓘᓐᓃᑦ), ᖃᓚᒪᔪᖅ ᐆᔪᖅ ᑲᓇᔪᕕᓂᖅ, ᐅᕝᕙᓘᓐᓃᑦ ᐁᐸᔪᐃᑦ ᐅᕕᓗᐃᑦ ᓂᕆᔭᐅᒍᓐᓇᑐᑦ.

ᓇᑲᓱᓕᕆᓃᑦ

ᑏᕐᓗᒃ, ᒪᒣᑦᑐᖁᑎᒃ ᕿᓯᕐᑐᑕᐅᔭᕐᓘᓃᑦ ᐱᐅᔫᒻᒥᔫᒃ ᓇᑲᓱᓕᕆᔪᓄᑦ. ᐊᓯᐊᓂᒃ ᑏᓕᐅᕈᓐᓇᒥᔪᑦ ᒥᕐᖁᐃᔭᕐᓂᑯᕕᓂᕐᓂᒃ (ᐅᑭᐅᒥ) ᑐᒃᑐᕕᓂᐅᑉ ᓇᕐᔪᖓᓂᑦ ᐁᕕᕕᓂᐅᓪᓘᓃᑦ ᑑᒑᖓᓂᒃ. ᓇᑲᓱᓕᕆᒻᒪᕆᑐᐊᕐᐸᑦ ᐃᓄᒃ ᖁᐃᒍᓐᓇᖏᕐᓱᓂ, ᑐᒃᑐᕕᓂᐅᑉ ᓄᑭᖓ ᕿᒥᕐᓗᖓᓃᑦᑐᕕᓂᖅ ᐊᒥᑦᑐᑳᓕᐊᕆᔭᐅᓗᓂ ᒥᑭᓕᓂᐊᕐᒪᑦ ᑕᑭᓕᓗᓂ ᓯᑎᓕᓗᓂᓗ, ᐅᕐᓱᑎᕐᓗᒍ ᓇᑦᓯᐅᑉ ᐅᕐᓱᖓᓂᒃ, ᑯᐃᕕᒧᑦ ᑐᕐᖁᑕᐅᒍᓐᓇᒥᔪᖅ ᓇᑲᓱᒻᒧᑦ ᑎᑭᐅᑎᕋᑕᕐᑎᓗᒍ. ᑕᒪᓐᓇ ᐊᑐᕐᑕᐅᒍᓐᓇᑐᖅ ᐊᖑᑎᓄᑦ ᐊᕐᓇᓄᓪᓗ, ᐋᓐᓂᓇᕐᑐᐊᓘᒐᓂᓗ ᑐᓵᑦᓱᒍ ᐋᓐᓂᓇᕈᓇᐅᒐᓗᐊᖅ. ᐊᒻᒪᓗᑦᑕᐅᖅ, ᐆᓇᕐᑐᖅ ᐅᔭᕋᖅ ᓯᐅᕋᕐᓘᓃᑦ ᒥᖑᐊᕆᒍᑕᐅᒍᓐᓇᒥᔪᖅ ᓇᑲᓱᒋᔭᒥᒃ.

ᐊᓇᕈᓐᓇᖏᐅᒪᓂᖅ

ᐊᓇᕈᓐᓇᖏᐅᒪᔪᖃᕐᐸᑦ, ᐃᒍᓇᐅᓕᕐᑐᖅ ᐃᖃᓗᑉᐱᒃ ᓂᕆᔭᐅᓲᖅ (ᐁᐸᔫᓗᓂ ᑎᕐᑎᓯᒪᓗᓂᓘᓐᓃᑦ), ᐅᕝᕙᓘᓐᓃᑦ ᒥᑭᔪᐊᐱᒃ ᑐᒃᑑᑉ ᑐᓐᓄᖓ ᕿᓐᓂᐊᖓᑦᓱᓂ ᐃᑎᕐᒨᑕᐅᓲᖅ.

ᐊᓇᑭᑕᕐᓂᖅ/ᐃᑎᑦᑕᓂᖅ

ᐊᓇᑭᑕᕐᑐᒧᑦ ᒪᓕᒃᓱᐊᒉᑦ ᐅᖃᐅᔭᖏᑦ ᑌᒣᓚᓐᖔᖅ ᓂᕆᔭᐅᓲᑦ.