Dorset Takiyaaqtuq Qalgia
Amihuuyut tiliugait uuminngat Tuniit (uuminngalunniit Dorset) pitquhiat taimaa naunaqhunilu ittarnittaliqiniit Inuinnainillu ahiqanngittut[1]. Haffuminngat parnautingit hamanngat inuit ikhinnaqhimayangit Iqaluktuumi, tutqinnaqhunilu tahapkuat katimayut inuuhiraluangit taimaa ayurnaqhunilu maligautiqaqhutiktauq arliruhuktumik. Uvani auyannguraangat, tahapkuat Dorset katilviuvakhutik Iqaluktuurmi katimaqatigivlugit qaffiuyungnaqhiyut 100 nit inungnit, tupiqhutik iluani takiyaaqtumi qalgiani aktilaanga43 miitastigut ungahingnia (140 itikkaitigut aktilaanga) takinia.[2] Qalgit tiliuqhimayut hanayauvakhutik uyaraqpangnit, angitqiyauvlutiktauq hanahimayangit utuqqaryuanit Nunavunmi.
Naunaitpiaqhuni haffuminngat qalgit katilviuvaktut naniyauvakhutik taimainnut Nunavunmi Kalaalliinmilu, kihimi una nayugaat uvani Iqaluktuumi angitqiyauvluni, nalunaiqtauhimavlunilu ihumagiyaulluaqhimayangit nayurvikhaat Tuniit. Tahapkuat qalgiit avatiqaqhutik kikhungnit, piruviniit aahiittauq uyaralingnit hanahimayut, naunaiqhunilu qanuq huliryuaqhimayungnaqhigaluaqtut taikani. Iqaluktuuq katilviuvakhimayunaqhiyut taimaa Tuniit katilviuliqpakhutik auyami himmauhiqhutik, avvautigivlutik naunairumagaangat, atautimut anguniarumi, arliruhuktumiglu malikhugit katilviuvakhutik. Amihuuyut hulivangniat haffuminngat mikiyunnuamik anngutikhat hanaugait unalu atatait— ilaliutauyut nattiit, Iqaluit unalu inut kiinangit—nalvaaqtauvaktut hamanngat Iqaluktuumi, taimaa kangiqhitpiaqhugillu naunaittut nayuqhimagaluaqtangit Tuniit arliqtaqhutik.