Mabel Ekvana Angulalik

From ᐅᐃᑭᐱᑎᐊ

Inuulihaartilluni, Mabel Ekvana Angulalik piyuminaktumik akihautainit ilitquhiutingnit inuhiatigut pinahuaqpakhuni Ukiuqtaqtumi.[1] Inuhimayuq angayuqaamingnut Hiqiniq Makokmiglu,tamarmik anniaqhimavlutik pamiqhilaiqhutik, iglup hilataanungautihimayaat ilamingnit iliyauvluni. Tautukhimayaa Emingak, talvangaani annautihimayaa ilaminungautihimayaa, Angudjuk Pudjukturmulu, pamiqhihimavlugu tiguaqhimayaa. Arnaruhiutilluni aullaaqatigivakhugit ilamingnit tamainnut Uqhuqtuup haniani, taimaa ilitturihimavluni miqhurnirnit maniqqamiutigullu ilittuqhimavluni.

Arnaruhiuvluni uvani 1941 mi, katuhiqhimayuk Angulaliklu, kuugyuarmi talvangaanit, qanganguktumi,13 nik nutaqqiuvlutiklu. Inuuttiaqhimavluni uvani Kuugyuap niuvvaavianni nakuurpiaqhuni, unalu pidjagikhihimavluni nutaamik ayuinginnianik uumingat muqpauyaliurnirmik tirigannialiqinirmiklu. Nulianguvluni niuvvavilingmi, ikayuqhimmaaqhuni nanminigiyangit havaangit naniridjiarnikkut amiqqinirmiglu.

Inirningullirami, Ekvana ikayuqhimmaaqhuni uqartiuvakhunilu ukuningat hivuvaangutikhamut iliharniq ukuningat pitquhiinit, aulattitihimavlunilu nunaqatigiiknit arnait katimayunit ilittuqhaivakhunilu nutarainnut qauyimaquivlugit inuit pitquhiinit manirarmi. Talvangaanit ayuinninganit pidjagikhimaningalu miqhuyarnirmik. Ilaliutihimavluni ilamingnit miqhuuyaliqpaktuk annuraakhainnit, miqhuliqpakhuni pulaartunut ilangminut nunaqatigiiktut aanuraakhaininillu. Uumingalu nuuliramik Iqaluktuuttiarmut uvani 1967 mi taimaa nutarait ilihariaquivlugillu, Ekvana utilirpakhuni auyanguraangamik Kuugyuarmut, talvangaanit inuudjagikhiangani maniqqamiugiangani taamna piqpagiyamingnit.

Qangangurtumi, Ekvana hivunikhaliurpakhuni nalunairutikhamut hapumminahuarpagaat Inuinnait uqauhianit qauyimayangillu. Tamarmik paniminilu Emily Angulalik ilauqatauvlutik nalvaaqhiiqatauvlutik katimayiiqatigiivlutik Kitikmeonmi Ingilrangnittaliriyiit Katimayiit, unalu inikhaliurpagyuakhutik pivallianirmik Iqaluktuuttiap May Hakongak Pitquhiviminiqarvik Makpiraaqarvianni.

Kiuqattautiniit[ᓱᖁᓯᖅᐹ ᐃᓚ | edit source]

  1. Stephen Angulalik - Kitikmeot Heritage Society https://web.archive.org/web/20070922233935/http://www.kitikmeotheritage.ca/Angulalk/FurTrader.pdf