ᓂᕿ

From ᐅᐃᑭᐱᑎᐊ

ᓂᖀᑦ ᓂᐅᕕᐊᕆᔭᐅᔪᓐᓇᑦᑐ ᓄᓇᓕᐅᔪᒥ ᑲᒻᐸᓂᒃᑯᓐᓂ ᐅᕝᕙᓘᓐᓃ ᑯᐊᐸᒃᑯᓐᓂ. ᓂᕈᐊᒐᔅᓴᑦᑕᖃᓗᐊᓐᖏᒻᒥᔪ ᐱᕈᑦᑐᒥᓂᓐᓂ ᐊᒻᒪᓗ ᐊᓯᖏᓐᓂ ᓄᓇᓕᐅᔫᑉ ᓂᐅᕕᕐᕕᖏᓐᓂ. ᐊᑭᖏ ᓂᖀᑦ ᓄᓇᕗᑦᒥ ᐊᑭᑐᔪᒻᒪᕆᐅᕗᑦ. ᐊᑕᖏᑦᑐᒋ ᓰᕐᓇᑦᑐ, ᐱᕈᑦᑐᒥᓃᑦ, ᐃᒻᒧᐃᑦ ᐊᒻᒪᓗ ᓂᖀ ᑕᖏᓖᑦ ᑕᒪᐅᓐᖓᑦᑎᑕᐅᕙᑉᐳ ᖃᖓᑕᓯᐅᒃᑯᑎᒍ ᐋᑐᕚᒥ ᐅᕝᕙᓘᓐᓃ ᒫᓐᑐᕆᐅᒥ. ᐅᕝᕙᐅᑯᐊ ᐃᓚᖏ ᐊᑭᖏᑦ ᓂᐅᕕᐊᔅᓴᐅᕙᑦᑐ ᑲᒻᐸᓂᒃᑯᓐᓂ ᑕᑯᓐᓇᑦᑐᒋ 2010ᒧ (ᐱᖃᑕᐅᓐᓇᓂ ᔩᐃᐊᔅᑏ):

2 ᓖᑕ ᐃᒻᒧᒃ $6.70
ᐊᑕᐅᓯ ᒪᓐᓃᑦ $3.89
1 ᐸᐅᓐ ᒪᑕᖅ $4.79
ᐊᑕᐅᓯ ᒥᓪᓗᐊᒐᖅ $2.70
ᐊᑕᐅᓯ ᐃᒥᒐᖅ ᑰᒃ $4.07
ᐊᑕᐅᓯ ᖁᐊᖅ ᐃᒥᒐᔅᓴᖅ $3.25
10 ᑭᓗᒍᕌᒻ ᐅᖁᒪᐃᓐᓂᓕ ᐸᓚᐅᒑᖅ $47.99

ᐱᓂᐊᓪᓗᒋ ᐱᕈᑦᑐᒥᓃᑦ, ᐃᓄᐃᑦ ᑎᑭᓴᐃᒐᔪᑉᐳ ᓂᕿᓂ ᑎᑎᖅᑲᓂᐊᕐᕕᑯᑎᒍ. ᒐᕙᒪᑐᖃᒃᑯ ᐃᓄᓕᕆᔨᑐᖃᒃᑯᖏᑦ ᑮᓇᔭᐅᖃᑦᑎᑦᑎᕙᑉᐳ ᑎᑎᖅᑲᓂᐊᕐᕕᑯᓐᓂ ᐊᑭᓕᕈᑕᐅᓂᐊᓐᖓᑕ ᓂᕿᑦᑎᐊᕙᐅᔪᐃᑦ ᐊᓯᖏᓪᓗ ᐱᔭᐅᔭᕆᐊᓕᓐᓂᑦ ᐊᐅᓪᓚᕈᑎᔅᓴᖏᓐᓄ ᖃᖓᑕᓯᐅᒃᑯ ᓄᓇᓕᐅᔪᓄ ᐱᖓᓱᓂ ᐊᕕᑦᑐᔅᓯᒪᔪ ᓄᓇᐅᔪᓄ ᐊᒻᒪᓗ 6 ᐳᕌᕕᓐᔅᓯᓄ ᐅᑭᐅᑦᑕᕐᑐᒦᑦᑐᓄ. ᓱᕋᑦᑕᐅᑎᒋᓐᖏᑦᑐᓐᓄ ᐊᒻᒪᓗ ᖁᐊᖑᔪᓄ ᓂᖀᑦ, ᐃᓄᐃᑦ ᑎᑭᓴᐃᓗᐊᓯᐅᖑᕗ ᐅᒥᐊᕐᔪᐊᒃᑯᑎᒍ ᐅᓯᑲᑦᑕᐅᑎᒃᑯ ᓂᐅᔭᐅᓪᓗᑎ ᐊᐅᔭᒥ. ᐃᓄᔅᓯᐅᑏᑦ ᒪᑯᐊᖃᐃ ᑐᑦᑐᐃᑦ, ᐃᖃᓗᐃᑦ ᐊᒻᒪᓗ ᓇᑦᑏᑦ ᓱᓕ ᐱᒻᒪᕆᒋᔭᐅᕗ ᓂᕐᔪᑎᒋᔭᐅᓪᓗᑎ ᐃᓄᓐᓄᑦ.

ᐅᒥᐊᕐᔪᐊᒃᑯᑦ ᐅᓯᑲᑦᑕᓐᓂᖅ[ᓱᖁᓯᖅᐹ ᐃᓚ | edit source]

ᐅᒥᐊᕐᔪᐊᒃᑯᑦ ᐅᓯᑲᑦᑕᓐᓂᖅ ᐱᒻᒪᕆᐅᕗ ᐸᖕᓂᕐᑑᒧ ᐱᖃᑦᑕᓂᐊᓪᓗᒋ ᑭᓱᑐᐃᓐᓇᐃᑦ ᐊᕐᕌᒍᒧ ᐊᑐᑦᑕᐅᓂᐊᑦᑐᓂᑦ. ᒫᓐᓇ ᓱᓕ ᐊᑭᑭᓐᓂᑉᐹᖑᔪ ᐅᒥᐊᕐᔪᒃᑰᑎᑦᑐᒋ ᐅᖁᒪᐃᑦᑑᑏᑦ ᐅᑭᐅᑦᑕᕐᑐᒧᑦ. ᐊᐅᔭᑕᒫᖅ, ᐅᒥᐊᕐᔪᐊᖑᔪᐃᑦ ᐊᐅᓪᓚᐸᑦᑐ ᒫᓐᑐᕆᐅᒥ ᐅᓯᓪᓗᑎ ᑭᓱᕈᓘᔭᓐᓂᑦ ᐱᖃᑕᐅᓪᓗᑎ ᐃᒡᓗᔅᓴᐃᑦ, ᐃᖏᕐᕋᔾᔪᑏᑦ, ᐅᖁᒪᐃᑦᑐ ᐃᖏᕐᕋᔾᔪᑏᑦ, ᐃᒡᓗᒥᐅᑕᐃᑦ ᐊᒻᒪᓗ ᓱᕋᑦᑕᐅᑎᒋᓐᖏᑦᑐ ᓂᖀᑦ ᐊᒻᒪᓗ ᐸᐃᑉᐹᕈᓘᔭᐃᑦ. ᐊᑐᑦᑕᐅᓗᐊᓯᐅᖅ, ᐅᒥᐊᕐᔪᐊᒃᑯ ᐅᓯᑲᑦᑕᓕᕆᓂᖅ ᐱᓕᕆᔭᐅᕙᑦᑐ ᔪᓚᐃ ᕿᑎᖏᓐᓂ ᐊᒃᑑᕝᕙ ᐃᓱᖏᓐᓄᑦ ᐊᕐᕌᒍᑕᒪᖅ.

ᑖᓐᓇ ᓇᐃᑦᑐᒥᒃ ᐅᖃᓕᒫᕐᕕᒃ ᐃᑲᔪᖅᑕᐅᔭᕆᐊᖃᖅᑐᑦ. ᐱᐅᓯᕚᓪᓕᖅᑎᑦᑎᓂᕈᓐᓇᖅᑐᑦ. ᑎᑎᕋᖅᑐᒃᑯᑦ.